Il-prijorità tagħna hija li nwasslu l-istess livell ta’ kwalità u togħma li wieħed kieku jistenna minn restorant tradizzjonali. Biex niksbu dan, aħna nagħżlu bir-reqqa ingredjenti ta’ kwalità għolja u niffukaw li nippreżentaw il-platti tagħna b’attenzjoni għad-dettall, filwaqt li nesebixxu l-kċina Maltija – li hija aspett ewlieni tal-offerti kulinari tagħna.

Biex ninkorporaw it-togħmiet lokali, aħna nużaw varjetà ta’ ħwawar lokali mill-Mediterran, kif ukoll iż-żebbuġ lokali u l-ġbejniet, ġobon tradizzjonali Malti. Aħna sseħibna ma’ għadd ta’ bdiewa u produtturi lokali li jwasslulna l-prodotti friski. Dan jiżgura li nġibu ingredjenti bl-ogħla kwalità u li nappoġġjaw lill-komunità lokali.

B’qima lejn il-ħila tas-sengħa Maltija, id-disinn tal-madum li jfakkar fis-seħer ta’ gżiritna jsebbaħ il-mejda, ikkumplimentata bid-dvalji li jirriflettu l-lewn tal-ġebla mrammla naturali ta’ Malta, filwaqt li kull boqqa mill-maggijiet imżejna bil-salib ta’ Malta tfakkar fil-wirt tagħna. Aħna nistednuk tinżel fil-fond tat-tradizzjoni filwaqt li nippreżentawlek it-taħlita ta’ ħall balsamiku u żejt taż-żebbuġa fi skutella li hi replika ċkejkna taż-żinġla ikonika magħmula miċ-ċeramika Maltija, użata tradizzjonalment biex fiha tintgħaġen il-famuża għaġina Maltija.

Biex nelevaw l-esperjenza tal-pranzu tiegħek, ħsibna bir-reqqa li jkun hemm disponibbli għażla ta’ xarbiet kumplimentarji li jvarjaw minn inbid delizzjuż aħmar u abjad magħmul minn għeneb imkabbar lokalment, sa cocktails, xorb mhux alkaħoliku, u meraq tal-frott.