Tixtieq issiefer bl-istrument mużikali? Magħna tista'.

L-istrument u/jew l-apparat mużikali tista' tibagħatu mal-bagalji, ittellgħu miegħek fil-bagalja tal-kabina, jew fil-basket ta' wara dahrek skont id-daqs u l-għamla tiegħu.

Inti tista’ tirreġistra l-istrumenti (checked-in) biex jitqiegħdu fl-istiva u/jew it-tagħmir (ara li tippakkjahom f’kontenitur sod!) jekk il-piż tal-istrument huwa skont kemm int intitolat tgħabbi. Jekk il-piż jinqabeż inti mbagħad ikollok tħallas għat-tagħbija żejda għal €40 kull biċċa għal kull titjira. Il-limitu massimu tal-piż għal strumenti/tagħmir li jitqiegħed fl-istiva huwa dak ta’ 32kg.

L-istrumenti żgħar b’piż massimu ta’ 10kg tista' ġġorrhom fil-bagalja tal-kabina dment li l-biljett tiegħek ikoprihom u jkun hemm spazju għalihom. Jekk l-intitolament tiegħek tat-tagħbija fil-kabina ma jinkludix id-dritt għal 10kg tagħbija fil-kabina, il-passiġġieri tal-Economy Basic u l-Economy Value jistgħu jixtru l-Priority li tinkludi l-bagalja tal-idejn tal-10kg kif ukoll li titla’ fuq l-ajruplan bi prijorità, hekk li tiggarantixxi li l-istrumenti ta’ valur għalik ikunu miegħek fil-kabina.

Dawn jinkludu:

• Bjugils/Bugles
• Flawti
• Kitarri
• Klarinetti
• Ottavini
• Sassofoni
• Trumbetti
• Vjoli/Violas
• Vjolini
• Piccolos

Jekk ikollok bżonn iġġorr strument ikbar, tista' tibbukkja seat apparti.

Żid l-istrument meta tibbukkja permezz tal-Uffiċċju għall-Bejgħ fl-Ajruport Internazzjonali ta’ Malta, jew ikkuntattja liċ-Ċentru Telefoniku tagħna fuq +356 2135 6000.

Is-saħħa u l-kumdità tiegħek abbord it-titjiriet tagħna huma prijorità għalina.

Jekk għandek bżonn iġġorr xi apparat mediku miegħek, bħal tank tal-ossiġnu jew mediċini, jekk jogħġbok ikkuntattjana fuq [email protected] mill-inqas 24 siegħa qabel it-titjira.

Inti tkun teħtieġ tippreżenta ċertifikat mediku mingħand it-tabib tiegħek biex tikkonferma li l-mediċina/it-tagħmir huma bżjonjużi. Ikun meħtieġ li ċ-ċertifikat jinkludi fih id-dettalji tal-mediċina u l-intenzjoni tal-użu tagħha.

Tista’ tara s-sezzjoni tagħna dwar l-Assistenza Speċjali għal iktar informazzjoni fuq is-siġġu tar-roti u għajnuniet oħra ta’ mobbiltà.

L-armi tan-nar li jintużaw fl-attivitajiet sportivi, jekk jittellgħu fit-titjiriet tagħna, huma marbutin b'regoli speċjali. 
 

Aħna nagħtu prijorità kbira lis-sigurtà abbord it-titjiriet tagħna. Għaldaqstant, l-armi tan-nar għandhom ir-regoli speċjali tagħhom infushom meta jinġarru abbord it-titjiriet tagħna. Huwa importanti li tara l-istruzzjonijiet ta’ hawn taħt biex tifhem il-proċedura sħiħa meta tivvjaġġa bl-armi tan-nar mal-KM Malta Airlines.

KIF TIPPAKKJA L-ARMI TAN-NAR.

Meta tkun qed tipprepara biex issiefer bl-armi tan-nar u/jew bil-munizzjon, għandek issegwi dawn l-istruzzjonijiet sew:

• L-armi tan-nar ikunu aċċettati biss bħala tagħbija fl-istiva jekk ikunu ppakkjati f’kaxxa apposta. Mhux permess li tippakkja l-armi tan-nar fil-bagalja mal-affarijiet personali tiegħek.
• L-armi tan-nar jew il-munizzjon jiġu aċċettati biss jekk ikunu ppakkjati f’kontenitur xieraq jew ippakkjati b’mod sigur f’bagalja mal-oġġetti personali tiegħek.
• Kull arma tan-nar li tinġarr għandha tkun akkumpanjata flimkien maċ-ċertifikat xieraq tal-armi tan-nar.
• Mhux permess iġġorr munizzjon waħdu. Dan għandu jinżamm fl-ippakkjar oriġinali tiegħu jew jiġi ppakkjat f'kontenitur adattat li jippreveni l-iskrataċ jew il-kontenut milli jiċċaqilqu. Il-munizzjoni għandu jkun ippakkjat fit-tagħbija tal-istiva.
• Tista’ tippakkja biss sa 5kg ta’ munizzjon għall-użu personali.
• L-armi tan-nar jitqiesu bħala parti mit-tagħbija tiegħek fl-istiva diment li ma taqbiżx il-piż tat-tagħbija permess, u skont il-biljett mixtri. F’dak il-każ, ikun jeħtieġlek tħallas il-miżata għat-tagħmir sportiv tas-soltu.

• IMPORTANTI: Il-basktijiet jew il-kontenituri li jaħżnu l-munizzjon m’għandu jkollhom qatt tabelli bi kliem bħal ‘explosives’ (splussivi). 

QABEL ISSIEFER.

Niżżel u pprintja l-Formola tal-Armi tan-Nar  u imla d-dettalji. Imbagħad ibgħathielna fl-indirizz [email protected].

Għandek tibgħat it-talba tiegħek għall-inqas 72 siegħa qabel it-titjira tiegħek jekk għandek l-intenzjoni li tivvjaġġa bl-armi tan-nar u/jew bil-munizzjon. Dan biex tiżgura li żżomm mar-regolamenti u l-obbligazzjonijiet kemm nazzjonali kif ukoll internazzjonali. Jekk tonqos li tagħmel dan ma titħalliex titla’ abbord.

Qabel it-titjira tiegħek, ikun jeħtieġlek tagħmel arranġamenti separati għal skorta mill-pulizija biex tkun disponibbli fil-ħin taċ-check-in. L-ispejjeż għall-preżenza tal-pulizija teħtieġ li tkun koperta min-naħa tiegħek.

X’INHU AĊĊETTAT

• Il-passiġġieri jersqu għaċ-check-in akkumpanjati minn uffiċjal tal-pulizija li jkun qiegħed jeskortahom. L-armi tan-nar iridu jkunu mmarkati kemm b’tikketta normali tal-bagalji kif ukoll b’tikketta speċifika għall-armi tan-nar. L-uffiċjal tal-pulizija mbagħad jieħu l-armi fil-kustodja tiegħu.
• L-iskorta tal-pulizija għandha ġġorr l-arma tan-nar waqt iċ-check-in, matul il-proċeduri tad-Dwana u fuq l-ajruplan.
• Jeħtieġlek tiddikjara l-preżenza tal-munizzjon tat-tagħbija tiegħek fl-istiva, u l-persuni tas-sigurtà jivverifikaw li l-piż permess ma jkunx inqabeż.
• Jekk ikollok xi munizzjon, dan ikun spezzjonat mis-Sigurtà tal-Ajruport Internazzjonali ta’ Malta, jitqiegħed fit-tagħbija tal-passiġġier, u mbagħad jitgħabba fl-istiva.
• Fl-aħħar, ikun jeħtieġlek tippreżenta d-dokumentazzjoni mitluba kollha u l-liċenzji għall-arma tan-nar tiegħek jew il-munizzjon. Dan jinkludi l-liċenzji tal-esportazzjoni/importazzjoni u l-awtorizzazzjoni mill-awtoritajiet lokali u nazzjonali.
• L-uffiċjal tal-pulizija li jkun qed jagħmel l-iskorta jieħu l-armi tan-nar lid-Dwana, fejn iż-żewġ partijiet jivverfikaw n-numri ta’ identifikazzjoni u jqabbluhom ma’ dawk imniżżla fuq il-permess tal-pulizija.
• Ġaladarba l-pulizija u d-Dwana jwettqu l-proċeduri rispettivi tagħhom, l-uffiċjal tal-pulizija jeskorta l-armi tan-nar lejn l-ajruplan. Normalment, l-armi tan-nar jitgħabbew b’mod separat minn tagħbija oħra.

TAGĦRIF IEĦOR IMPORTANTI.

• Għandek tkun għaċ-check-in għall-inqas sagħtejn qabel it-titjira tiegħek biex tħalli biżżejjed ħin ħalli tipproċessa x-xogħol amministrattiv qabel l-approvazzjoni tas-sigurtà.
• L-armi tan-nar għandhom ikunu dejjem trasportati separatament mill-munizzjon.
• Mhux permess li tittrasporta l-munizzjon mal-isplussiv jew mal-projettili splussivi.

Sib, hawn, iktar informazzjoni fuq oġġetti oħra ristretti bħala tagħbija.

Magħna saret eħfef għalik li tivvjaġġa bit-trabi jew bit-tfal.

Inti tista’ ġġorr miegħek pushchair li tingħalaq sat-taraġ tal-ajruplan fejn din tintrefa’ fl-istiva bla ħlas ta’ xejn u titwassallek lura mal-wasla fid-destinazzjoni tiegħek.

Jekk irriservajt post għat-tarbija tiegħek (iżgħar minn sentejn), aħna nirrakkomandawlek iġġib is-siġġu sigur tiegħek għat-tarbija.

Għal iktar informazzjoni dwar il-Vjaġġaturi Żgħar, idħol hawn.

Ir-regolamenti tas-sigurtà jvarjaw skont il-pajjiż li tkun se titlaq minnu.

Jekk għandek bżonn ittella' xi ikel speċjali miegħek abbord, jekk jogħġbok ikkuntattja t-Taqsima tal-Klijenti minn hawn.